Отырар АПБ әкімшілік полиция бөлімшесінің инспекторлары аудандық Төтенше жағдайлар бөлімі мен өрт сөндіру бөлімінің қызметкерлерімен бірлесіп, қауіпсіздік бойынша іс-шаралар өткізді. Іс шара барысында жеке тұлғаларға, өрттің алдын алу мен өрт қауіпсіздігін сақтау мақсатында 2021 жылы өтетін сайлауға байланысты алдын ала дайындық жүргізді-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Сондай-ақ пиротехникалық бұйымдардың сатылымға шығармауларын, қолдану барысында өрт қауіпсіздігін болдырмау үшін 11 сауда орнына түсіндірме жұмыстарын жүргізіп, жаднама парақшаларын таратты.
Сонымен қатар отырарлық полицейлер сот орындаушылар мен бірлесіп 2020 жылғы көлік салығы мен өндірілмеген әкімшілік айыппұлдар бойынша іс-шараларды жүргізді. Аталған жұмыстар барысында 100-ге жуық автокөліктер тексеріліді. Төленбеген салықтар болған жағдайда әкімшілік айыппұлдардың салынатынын ескертті.
Өз кезегінде Түркістан облысының полицейлері барлық азаматтарға барынша сақтық шараларды ұстанып, адамдар көп шоғырланған жерлерге бармауды, бас қосулар мен той-жиындарды жасамауды ескертеді. Құқық бұзушылыққа жол берілген жағдайда, заң аясында жауапкершілік қарастырылған.
Сондықтан немқұрайлылық танытпай, өз саулықтарыңыз үшін қауіпсіздік шараларды ұстанған жөн.
ТО ПД-нің баспасөз қызмет
