Түркістан ҚПБ-ға жергілікті тұрғын әйел арызданады. Жәбірленушінің айтуынша, түнгі уақытта оның тұрғын-үйінің алдында тұрған «Opel Veсtra» маркалы автокөлігіне белгісіз тұлға ұрлыққа түсіп, көлік ішінде тұрған әмиянынан 30 мың теңге мен банк картасын жымқырып кеткен-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Аталған жайтты полицейлер ҚР ҚК-нің 188-бабы «Ұрлық» бойынша тіркеді.
Ақпарат алысымен аудандық полицейлерден жедел тергеу тобы құрылып, бірден оқиға орнына жетті. Полицейлер барлық қажетті шараларды іске асырды. Куәгерлерден жауап алып, бейнебақылау камераларын мұқият тексерді.
Тәртіп сақшылары, осындай жүйелі жұмыстардың арқасында жинақталған ақпарат көздерімен күдіктіні жергілікті мекен-жайы Кентау қаласынан ұстап, АПБ-ға жеткізеді.
Тергеу барысында анықталғандай күдікті жас жігіт түнгі уақытта көліктің есігі ашық болғанын пайдаланып ұрлыққа түскен. Оңай жолмен ақша табу мақсатында әмияндағы бар қаражатты жымқырған. Сондай-ақ банк картасының бетінде тұрған құпия сандар арқылы оның ішіндегі 85 мың теңгесін алып өз қажеттілігіне жұмсап жіберген. Жәбірленушіге келтірген шығын 115 мың теңген құрады. Күдікті өз кінәсін толық мойындады. Бас шарасы қолхатта.
Өз кезегінде Түркістан облысының полицейлері азаматтарға қырағы болуға және автокөліктері мен бағалы заттарын қараусыз қалдырмауға кеңес береді. Сондай-ақ автомобильдердің есіктері мен терезелерін жауып, ақша мен құжаттарды өзіңізбен бірге алып кетуді ескертеді. Автокөлікті күзет дабылымен жабдықтап, күзетілетін тұраққа қою қажет. Егер сіз бөтеннің мүлкін ұрлаудың құрбаны болсаңыз, тез арада полицияның 102 нөміріне хабарласыңыз.
ТО ПД-нің баспасөз қызметі
